हिमालय एअरलाइन्स् नेपाल-चीन संयुक्त लगानीमा सन् २०१४ मा स्थापित अन्तर्राष्ट्रिय एअरलाइन्स हो, जसको स्थापना दुई प्रमुख उद्देश्यहरू; नेपाल र अन्य देशहरूबीचका जनता-जनताबीचको सम्पर्कलाई प्रवर्द्धन गर्न तथा नेपालको व्यापार र पर्यटन उद्योगलाई टेवा पुर्याउनका लागि भएको थियो । यो संयुक्त लगानी तिब्बत सिभिल एभिएसन डेभलप्मेन्ट एन्ड इन्भेष्टमेन्ट कम्पनी लिमिटेड (टी.सी.ए.डी.आई.सी.) र यती वर्ल्ड इन्भेष्टमेन्ट प्रा. लि. का बीच रहेको छ ।
हिमालयसँग फ्लीटमा हाल जम्मा चार (४) वटा विमानहरू रहेका छन्: तीन वटा एअरबस ३२०-२१४ ( १८० वटा इकोनोमी सिट ) र एउटा एअरबस ३१९-११५ (१४४ वटा इकोनोमी सिट )। हिमालयले हाल मध्यपूर्व र दक्षिण एशियाका प्रमुख देशहरू: संयुक्त अरब इमिरेट्स ( यूएई ), मलेसिया, कतार, साउदी अरेबिया, कुवेत, बंगलादेश र चीनका विभिन्न गन्तव्यहरूमा उडानहरू सञ्चालन गरिरहेको छ। हाल हिमालयले जनवादी गणतन्त्र चीनका बेइजिङ्ग, छिन्दाओ, सांघाई, चोङ्गकिङ्ग र ल्हासामा उडान गरिरहेको छ ।
हिमालयले साउथ एसियन ट्राभल अवार्ड्स (साटा), २०१७ मा सञ्चालनको पहिलो वर्षमै "दक्षिण एशियामा अग्रणी नयाँ अन्तर्राष्ट्रिय एअरलाइन्स" भएकोमा अन्तर्राष्ट्रिय अवार्ड प्राप्त गर्यो । सन् २०२० मा हिमालयले आई.एस्.ओ. ९००१:२०१५ गुणस्तर व्यवस्थापन प्रणाली प्रमाणपत्र प्राप्त गर्दै वायुयान मर्मतसम्भार र इन्जिनियरिङ्ग सेवामा आफ्नो सक्षमता प्रस्तुत गरेको छ । सन् २०२१ डिसेम्बर २९ मा हिमालयले हवाई यात्रु तथा कार्गो सेवाका लागि हवाई यातायात सेवा प्रदान गर्ने र उड्डयनसम्बन्धी तालिम सेवा प्रदान गर्ने कार्यका लागि नेपालको पहिलो वायुसेवाको रूपमा आई.एस्.ओ. ९००१:२०१५ अन्तराष्ट्रिय गुणस्तर चिह्न प्रमाणपत्र प्राप्त गर्यो ।
यस प्रमाणीकरणले हिमालय एअरलाइन्स्को गुणस्तरप्रतिको प्रतिबद्धता र उच्च सम्पादनपूर्ण कार्य अभ्यासप्रतिको लगावलाई प्रतिबिम्वित गर्दछ। सन् २०२३ डिसेम्बर २८ मा हिमालय एअरलाइन्स्ले आई.ओ.एस्.ए. अपरेटरको रूपमा प्रमाणित हुने नेपालको पहिलो एवम् एकमात्र एअरलाइन बन्यो र अन्तर्राष्ट्रिय हवाई यातायात संगठन (आई.ए.टि.ए.) को सदस्य एअरलाइनको रूपमा दर्ता भयो ।
सन् २०२१ सेप्टेम्बरदेखि हिमालयले आफ्ना सबै जहाजमा जीवन-रक्षक यन्त्र, स्वचालित बाह्य डिफिब्रिलेटर (ए.ई.डी.) जडान गरेको छ । यससँगै हिमालय स्वचालित बाह्य डिफिब्रिलेटर ( ए.ई.डी.) प्रयोग गर्ने सबैभन्दा पहिलो एवम् एक मात्र नेपाली एअरलाइन्स् बनेको छ ।
सुरक्षा, समयगत कार्यसम्पादन (अन टाइम पर्फमेन्स) र मुख्यतया आफ्ना ग्राहकहरूप्रतिको सेवा उत्कृष्ट बनाउने उद्देश्यका साथ हिमालयले आफूलाई सबैको रोजाइको विश्वसनीय एअरलाइनको रूपमा स्थापित गरेको छ र दक्षिण एशियामा एक अग्रणी एअरलाइनको रूपमा बिस्तार हुने आकांक्षा राखेको छ ।
