साथमा कोइ नभएको नाबालिगले एक्लै यात्रा गर्दा, नाबालिग र प्रियजनहरू दुवैको लागि यो चिन्ताको विषय हुन सक्छ । हामीसँग नाबालिगले एक्लै यात्रा गर्दा भने तपाईँको बच्चा सुरक्षित छ भनि निश्चिन्त हुनुहोस् । हिमालय एअरलाइन्स् मा हामी तपाईँको बच्चाको हरेक चरणमा विशेष हेरचाह गर्न सबै अतिरिक्त उपायहरू कार्यान्वयन गर्दछौँ । हामी तपाईँको बच्चाको विमानस्थल, उडानको समय र विमान अवतरण पछि प्रियजनहरूसँग पुनर्मिलन नभएसम्म हरेक चरणमा विशेष हेरचाह गर्दछौँ ।

प्रस्थानको समयमा, तपाईँको बच्चाको चेक-इन र अध्यागमन जस्ता सबै औपचारिकताहरू पूरा गर्न एयरपोर्ट ग्राउन्ड स्टाफले हेरचाह गर्ने छन् । बोर्डिङका लागि सबै औपचारिकताहरू पूरा भएपछि, बच्चालाई केबिन क्रूलाई हस्तान्तरण गरिनेछ ।

उडानको समयमा, केबिन क्रूले बोर्डिङ देखि अवतरणसम्म बच्चाको सबै आवश्यकताहरूको हेरचाह गर्ने छन् ।

अवतरण पछि, केबिन क्रूले बच्चालाई गन्तव्य विमानस्थलको ग्राउन्ड स्टाफलाई हस्तान्तरण गर्ने छन्, जसले आगमन गेटमा नियुक्त अभिभावकलाई नाबालिग हस्तान्तरण गर्नु अघि सबै औपचारिकताहरू पूरा गर्न हेरचाह गर्ने छन् ।

साथमा कोइ नभएको नाबालिग / यात्रुहरू (UM) हामी सँग यात्रा गर्दा हामी सम्पूर्ण कानूनी जिम्मेवारी लिन्छौँ र यस मामिलामा सबै हेरचाह र विवेक प्रयोग गर्नु हाम्रो लागि महत्त्वपूर्ण छ 

यो कसरी काम गर्छ

साथमा कोइ नभएको नाबालिगहरूको लागि सेवा लिन, कानूनी अभिभावकले उडान भन्दा कम्तिमा २४ घण्टा अघि (H9) बिक्री काउन्टरमा सबै आवश्यक कागजातहरू सहित फारम भर्नु पर्छ । उडान हुने विमानस्थलमा अभिभावक विमान नउडेसम्म विमानस्थल परिसरमा उपलब्ध हुनुपर्छ। गन्तव्य विमानस्थलमा नियुक्त अभिभावकले सबै औपचारिकताहरू पूरा भएपछि तुरुन्तै बच्चालाई लिनु पर्छ। दुवै विमानस्थलका अभिभावकहरूले आफ्नो पहिचान प्रमाण पत्र आफूसँग बोक्नु पर्ने हुन्छ ।

दुवै विमानस्थलमा हाम्रो ग्राउन्ड स्टाफ र केबिन क्रूलाई तपाईँको बच्चाको बारेमा अग्रिम रूपमा सूचित गरिन्छ, जसले तपाईँको बच्चाहरूलाई बोर्ड गर्ने, एस्कर्ट गर्ने र उनीहरूलाई आवश्यक पर्ने कुनै पनि कुरामा सहयोग गर्ने छन् । तपाईँको बच्चा सुरक्षित हातहरूमा हुने छन्, र सम्पूर्ण यात्राको क्रममा उनिहरुलाई विशेष ध्यान र हेरचाह दिइने छ ।

साथमा कोइ नभएको नाबालिग / युवाहरूको (UM) लागि सेवा लिन, फारमहरू सबै आवश्यक कागजातहरू सहित एयरपोर्ट कार्यालयमा भर्न सकिन्छ। यद्यपि, पूर्व सूचनाको लागि अत्यधिक सराहना गरिन्छ ।

तपाईँको बच्चाको उडान सहज बनाउन, कृपया बच्चा उडानका लागि स्वस्थ छन् र केबिन क्रूले दिएका सुरक्षा निर्देशनहरू बुझेर पालना गर्न सक्छन् भन्ने सुनिश्चित गर्नुहोस्।

*साथमा कोइ नभएको नाबालिग / युवा  सेवा (UM) लागू शुल्कहरूको अधीनमा छ।

उमेर अनुसार वर्गीकरण

• ५ वर्षदेखि १२ औं जन्मदिनसम्मका एक्लै यात्रा गर्ने बच्चाहरूलाई साथमा कोइ नभएको नाबालिग (UMs) मानिन्छन्।
• १२ वर्षदेखि १६ औं जन्मदिनसम्मका बच्चाहरूलाई युवा यात्रु (YPs) मानिन्छन्।

तल उल्लेख गरिएका प्रक्रियाहरू यी उमेर समूहका एक्लै यात्रा गर्ने सबै बालबालिकामा लागू हुन्छन्, बुकिङमा UMNR भनेर उल्लेख गरिएको भए वा नभए पनि।

व्हीलचेयर र एम्बुलिफ्ट सेवाहरू

हामी हाम्रा फरक क्षमताका वा कम गतिशीलताका भएका यात्रुहरूको यात्रा कुनै चिन्ता बिना आरामदायी रहेको सुनिश्चित गर्न विशेष ध्यान दिन्छौँ । हिमालय एअरलाइन्स् मा, हामी सधैं हाम्रा सम्पूर्ण यात्रुहरूको आवश्यकताहरू पूरा गर्न प्रयास गर्छौँ, जसमा "विशेष आवश्यकताहरू" भएका यात्रुहरू पनि समावेश छन् । हामी तपाईंलाई सम्पूर्ण यात्रा अवधिभर राम्रो अवस्थामा यात्रा गर्न विशेष सेवाहरू र सुरक्षा उपायहरू प्रदान गर्छौँ।

हामीले अधिकांश फरक क्षमता भएका यात्रुहरूलाई हवाई यात्रा गर्न स्वीकार गर्छौं। तथापि, केही अवस्थामा वा परिस्थितिहरूमा, स्थापित तथ्यहरू, चिकित्सा कागजातहरू, वा अन्य प्रमाणहरूको आधारमा हिमालय एअरलाइन्स् ले स्वीकार गर्न असमर्थ हुन सक्छ ।

H9 ले उडान प्रस्थान भन्दा कम्तिमा ४८ घण्टा अघि नै व्हीलचेयर, एम्बुलिफ्ट बुक गर्न सुझाव दिन्छ । यसो गर्दा हामीले तपाईंलाई सेवा प्रदान गर्न र उपलब्धता सुनिश्चित गर्न सक्छौँ। तथापि, चेक-इनको समयमा पनि यसको लागि तपाईंले अनुरोध गर्न सक्नु हुन्छ । तर उपकरण र स्रोतको उपलब्धताको अधीनमा मात्रा सेवा उपलब्ध हुनेछ।

: व्हीलचेयर, एम्बुलिफ्ट सेवा लागू शुल्कहरूको अधीनमा छ।

मेडिकल क्लियरेन्स

आफ्नो सिटबाट अर्को सिटमा आफै स्थानान्तरण गर्न सक्ने, आफ्नो सबै अनबोर्ड आवश्यकताहरू पूरा गर्न सक्ने वा उनीहरूको हेरचाह गर्न सक्षम र इच्छुक एस्कर्ट भएका फरक क्षमताका यात्रुहरूका लागि चिकित्सा स्वीकृति आवश्यक छैन ।

यात्रा गर्नको लागि फिटनेसमा शंका भएका निम्न यात्रुहरूको लागि प्रस्थान अघि नै चिकित्सा स्वीकृति प्राप्त गर्नुपर्छ। MEDA केस भएको यात्रुको अवस्थामा यातायात गर्ने वा नगर्ने अन्तिम स्वीकृति हिमालय एअरलाइन्स् को आधिकारिक उड्डयन डाक्टरको अनुमोदनमा आधारित हुनेछ । यस्ता यात्रुहरूले MEDIC फारम भर्नुपर्छ ।

H9 ले कुनै पनि रोगबाट पीडित (शारीरिक अथवा मानसिक अवस्थाबाट ग्रसित) यात्रुलाई अस्वीकार गर्ने अधिकार राख्छ:

1. कुनै पनि रोगबाट पीडित यात्रु जसलाई सक्रिय रूपमा संक्रामक र संप्रेषणीय मानिन्छ; वा

2. जसले, निश्चित रोगहरू वा अशक्तताका कारण, असामान्य व्यवहार वा शारीरिक अवस्था विकास गर्न सक्छ जसले अन्य यात्रु र वा चालक दलका सदस्यहरूको आराममा प्रतिकूल प्रभाव पार्न सक्छन्; वा

3. उडानको सुरक्षामा सम्भावित खतरा हुन सक्छ वा त्यसको समयपालनमा (उडानको विचलन र अनियोजित अवतरणको सम्भावना सहित) असर गर्न सक्छ; वा

4. उडानको क्रममा स्वास्थ्य रहन चिकित्सा ध्यान र वा विशेष उपकरण आवश्यक पर्न सक्छ ।

सहायक / एस्कोर्ट र चिकित्सा ध्यान

• कुनै पनि सक्षम, योग्य वयस्क (परिवारका सदस्य जसको उमेर १८ वर्ष वा माथि छ) सहायक वा एस्कोर्टको लागि योग्य हुने छन् ।
• स्ट्रेचर केसको लागि एस्कोर्ट अनिवार्य छ।
• एस्कोर्टलाई उनीहरूले एस्कोर्ट गर्दै गरेको यात्रुको नजिकको सिट दिइनेछ।

*कागजातहरूको सूची र लागु गरिएका शुल्कहरूको लागि कृपया नजिकको H9 बिक्री कार्यालयसँग सम्पर्क गर्नुहोस्।

आफ्नो अजन्मिएको बच्चासँग सुरक्षित र हेरचाह महसुस गर्दै उड्नुहोस् ।

हामीलाई थाहा छ कि तपाईं बच्चाको प्रतिक्षामा रहँदा यात्रा गर्दै गर्दा कत्तिको चिन्तित हुनु हुन्छ । हिमालय एअरलाइन्स् मा हामी सबै सावधानी र सुरक्षाका उपायहरू अपनाउँछौँ ताकि तपाईं आराम गर्दै, सुरक्षित र आरामदायी महसुस गर्न सक्नुहुन्छ । 

हिमालय एअरलाइन्स् मा होल्डमा रहेको घर पालुवा जनावरहरूको यातायात,अन्तर्राष्ट्रिय हवाई यातायात संघ (IATA) जीवित जनावरहरूको नियमावली (LAR) द्वारा निर्धारित आवश्यकताहरूको अधीनमा छ ।

तपाईंको पालुवा जनावरलाई यातायात गर्न निम्न निर्देशनहरू छन्:

• तपाईंको पालुवा जनावरलाई यात्रा गर्न अगावै अग्रिम बुकिङ गर्न पर्छ ।
• तपाईं कन्टेनर सम्बन्धी सबै निर्दिष्टीकरणहरू पालना भएको सुनिश्चित गर्नुहोस् ।
• आयात, निर्यात, स्वास्थ्य प्रमाणपत्र र खोपहरू सहित का आवश्यक सबै कागजातहरू पालना भएको सुनिश्चित गर्नुहोस् ।
• पालुवा जनावर र कन्टेनर सँगै चेक-इन गर्नु पर्ने हुन्छ।

कन्टेनर निर्दिष्टीकरणहरू 

• कन्टेनरको सामग्री: फाइबरग्लास, धातु, ठोस् काठ, प्लाईवुड वा ठोस् प्लास्टिकको हुन पर्ने हुन्छ । पूर्ण रूपमा वेल्डेड जाली वा तार जालीबाट बनेका कन्टेनरहरू हवाई यातायातको लागि उपयुक्त हुनेछैन ।
• केही ठोस् प्लास्टिक कन्टेनरहरू ठूला कुकुरहरू वा आक्रामक कुकुरहरूको लागि उपयुक्त नहुन सक्छन्। ठोस् काठ, धातु, प्लाईवुड वा यस्तै सामग्रीबाट विशेष रूपमा निर्मित कन्टेनरहरू, प्रत्येक पक्षमा दुईवटा सुरक्षित ढोका फास्टनरहरू सहित हुन पर्ने हुन्छ । 
• कन्टेनर कम्तिमा तीन तर्फबाट पर्याप्त हावा छिर्न मिल्ने हुनुपर्छ, जसमा अधिकांश हावा कन्टेनरको माथिल्लो भागमाबाट छिर्ने गरि हुनुपर्छ।
• यदि कन्टेनरमा पाङ्ग्रा छन् भने, तिनीहरूलाई हटाउन वा चल्न नमिल्ने बनाउन पर्छ ।  
• कन्टेनरमा बाहिरबाट पहुँच गर्न सकिने पानीको भाँडो र खानाका हुनुपर्छ ।
• कन्टेनरमा जनावरले सामान्य रूपमा उभिन, सीधा बस्न र सामान्य स्थितिमा सुत्न मिल्ने गरि पर्याप्त ठाँउ हुनुपर्छ:
  उचाइ: उभिएको अवस्थामा, कन्टेनरको छतलाई नछुने गरि
  लम्बाइ: नाकको टुप्पोबाट पुच्छर सम्म
  चौडाइ: जनावरको काँधको ब्लेड वा शरीरको सबैभन्दा चौडा भागको दुई गुणा
• कन्टेनरमा नाम र ठेगाना उल्लेख गर्न पर्छ।

शुल्कहरू

तपाईंको पालुवा जनावर र कन्टेनरलाई तपाईंले नि:शुल्क सामान भत्ता प्रयोग गर्नुभएको छ वा छैन भन्ने कुराको पर्वाह नगरी अतिरिक्त शुल्क लाग्नेछ ।

नोट: हिमालय एअरलाइन्स् ले उडान अघि, दौरान वा पछि जनावरको स्वास्थ्यको जिम्मेवारी लिने छैन।

*कागजातहरूको सूची र लागू शुल्कहरूको लागि कृपया नजिकको H9 बिक्री कार्यालयमा सम्पर्क गर्नुहोस् ।